Sette candele

Sette Candele

Sette candele
De la Menorà
Sbianca el viseto
De Rachele Fuà
Sacro Shadai
Sia benedeto
El tuo nome
La se disi
Con vose d'useleto
Nel bianco fresco
De la sinagoga
E no la sa
Che un caporal tedesco
Fra sette giorni
Cussi la coperà
Brusandola in Risiera
E Adonai?
Morto anche lui
Fra nuvoli de gas
Spaccapolmoni
Fumo grasso
Pesante
A bissa disegnado
Spuda el camin
E sbater d'inferiade
London colin
La radio ne conforta
Parole su parole
Mi vivo ma lei morta